طبعا فيه بنات و ستات كتير حاسين ان وزنهم زايد شوية ومحتاجين " رجيم " و فيه ناس كتير منهم جربت حاجات كتير و للاسف ما نفعتش !! طب ياتري السبب في الوصفة و لا الطريقة و لا الارادة ؟؟ عموما مش حنختلف بس فيه نصايح مهمة عاوزين نتبعها سواء مشينا علي اي طريقة منها : اولا اشربي كل يوم حوالي عشر كبايات مياه علي الأقل و ممكن تزودي و ماتخافيش
ثانيا لا تشربي المياه قبل الاكل بنصف ساعة و بعد الاكل بنصف ساعة او اثناء الاكل نفسه
ثالثا عند الاحساس بالجوع تناولي خضروات طازجة مثل الخس و الجزر و الخيار و البروكلي " البتاع ده اللي شبه الكرنبيط بس اخضر"
رابعا بعد الاكل بساعة تاكلي ثمرة من اي نوع فاكهة يوميا وبلاش القصب عشان ده مش مصنف فاكهة اصلا
خامسا الرياضة كل يوم علي الاقل نصف ساعة و لو بتقفي في طابور عيش فكك من خامسا دي
سادسا فكك منها لانها كلها سوائل برضه زي اولا بس المرة دي سوائل ساخنة وتقللي منها السكر طبعا عشان العملية ماتضربش وممكن ممكن يعني بس لو امكن معلقة واحدة وبلاش نسكافيه و القهوة و الشاي لانها تزود نسبة الترهلات في الجسم
سابعا هو فيه سابعا بس بصراحة انا نسيت لاني مشغولة جدا بعمل حلة محشي من اللي بتجري ريق الجيران من حلاوتها وصينية هريسة بالمكسرات تهبل !!
ليست هناك تعليقات:
إرسال تعليق