رسومات لضوافرك تظهر جمال ايدك.

كنت جبتلكوا قبل كده رسومات للضوافر وقولتلكوا حاولوا تخلوا بالكوا من كل حته فيكوا حتي رسومات ضوافركوا.
وعشان اللي انا قولتوا قبل كده فعلا مهم للبنت انا جبتلكوا اشكال رسومات جديدة وحلوة موت وحاولي في الصيف تحطي الوان ظاهرة ومن الالوان اللي طالعة موضة زي الاخضر والاصفر والاحمر والموف الغامق واعملي زي الرسومات دي.

(والله سهلة)بس انتي حاولي تجربيها وبلاش كسل

ديكورات لغرف نوم بنوتك

بتفكري ممكن تعملي اوضة نوم بنوتك ازاي عشان تكون زي الاميرة.

حاجات بسيطة بس لو اتعملت هتخلي بنتك مرتاحة وسعيدة في اوضتها.

شوفي ايه اكتر حاجة هي بتحبها يعني لو مثلا يتحب الفراشات ممكن تتعمل رسومات فراشات باحجام مختلفة علي الحيطة وبالوان جميلة، لو بتحب الموسيقي ممكن يترسم شكل جيتار كده يعني.

يعني اي حاجة هي بتحبها تترسم مثلا علي الحيطة ويتحط فرش الاوضة علي الاساس ده.

دي شوية اشكال لاوض نوم بنوتات بالوان هادية وجميلة للبنات،خدي منها شوية افكار وانا هبقي اجيبلكوا صور تانية.

عايزة تورتة فرحك يبقي شكلها مش عادي؟؟؟؟؟

طبعا كل واحدة بتتمني ان كل حاجة ففرحها تكون مش عادية وتكون حلوة اوي.

حتي تورتة فرحك ممكن تكون مش عادية دي شوية صور لتورتات افراح اتفرجي عليهم ومتعمليش شكل تورتة فرحك بالشكل التقليدي الممل اللي ذهقنا منه.

ولسه هجبلكوا صور اكتر شوفوا بس دول دلوئتي(هو مش طمع)

شكل احمر الشفاه يدل علي شخصيتك.

تبدو أقلام تلوين الشفاه المختلفة مربكة ومضحكة أحيانا مثل أصحابها. ولكن هل سألت نفسك يوما لماذا يبدو قلم تلوين الشفاه المفضل لديك بهذا الشكل قمم حادة، أو مستوية أو متآكله أو مقعرة،

بصراحة عندما قرأت الدراسة قمت بالبحث عن أقلام تلوين الشفاه وفتحتها كلها. ولكن هل سألت نفسك يوما لماذا يبدو قلم تلوين الشفاه المفضل لديك بهذا الشكل بالذات دائما، بينما تختلف عنك الأخريات؟ هذا ليس تقريرا نفسيا أو دراسة علمية بحتة، ولكنها دراسة تحليلية سريعة جدا قام بها دكتور أخصائية وأستاذة مشاركة في طب الأمراض العقلية في مستشفى برسبتارين - نيويورك. نذكرك بأن الشخصيات الإنسانية مختلفة ومعقّدة جدا بالنسبة لنظرية بسيطة كهذه: إذا كنت تستعملين أحمر الشفاه من جهة واحدة فقط بحيث يحافظ على شكله الأصلي أو إذا كان أحمر الشفاه ذائبا من جانب واحد فقط، فأنت من النوع الحذر، إذا كان شكل أحمر الشفاه مستويا أو مقعّرا، فأنت تحبين المخاطر، أما بالنسبة للأشكال الأخرى، فهي كالآتي حسب الترتيب من اليمين إلى اليسار حذرة، عفوية، سهلة الطباع، تحب النظام، طبيعية، تأخذ وقتها.

تاريخ الحنة وفوائدها ورسوماتها.

الحنة بنستخدمها في الشعر وفي الزينة وفي الحالتين بيكون ليها فوائد.

في الشعر الحنة من اكتر الحاجات اللي بتقل الشعر وفي نفس الوقت بتديلوا لون طبيعي وجذاب بس المشكلة انها بتنشف الشعر شوية.

وفي الزينه سواء كان الرسم علي الايد او الرجل فهي بتدي شكل جميل وبتساعد في علاج الروماتيزم (ده علي حسب ماسمعت)وعموما في الصيف اللبس بيبقي قصير شوية فرسمة الحنة علي الرجل بتدي شكل انثوي تحفة.

وبالنسبة لتاريخ الحنة اقريه ومطنشيش عشان دي معلومة هتنفعك(مش هتنفعك اوي)بس يبقي عندك معلومة عن الحنة وخلاص عشان اللي يفتح اي موضوع عن الحنة قوليلهم تاريخها واتمنظري عليهم انك تعرفي حاجة هما ميعروهاش وتاريخ الحنة هو :الحناء نبات عرفه القدماء منذ أجيال عديدة كان لها في طبتهم شأن خطير والعبرانيون دعوا الحناء الكفر كما جاء في الأسفار . ولعل اليونان أخذوا عنهم اسمها اليوناني فدعوها كيروس ونقلها الرومان إلى لغتهم فسموها سيروس والحناء من نبات الشرق بين أنه لم يعرف بلدها الأصلي ومن المرجح أنها من نبات جزيرة العرب امتدت من ثم إلى بقية الأقطار . وكانت في أوائل النصرانية شائعة في بلاد كثيرة قال بلينيوس الطبيعي ( الحناء شجرة في مصر ورقها كورق العناب وحبها كالكزبرة ........ أجودها الصنف الذي يجلبه التجارة من مدينة قانوب على ضفة النيل ودونه الصف العسقلاني في اليهودية ثم الصف القبرصي . والحناء نبات طيب الرائحة . وقد زعم البعض انه هو الذي يدعى في ايطاليه باسم ليغسترم ligustrm . وقد وصف أيضا ديوستروريدس وجالنيوس ما كان للحناء في زمانها من الشهره وقد شاعت الحناء في القرون المتوسطة وامتدت امتداد عظيما بامتداد دولة العرب ولأكثر أطباء العرب في الحناء . كلام مطول لا سيما ابن سينا وابن زهر وابن ماسويه وابن رضوان وابن البيطار تطرقوا لهذا النبات واستوعبوا ذكر خواصه

لفات جامدة للحجاب

كتير من المحجبات بتحاول تعمل لفات طرح جديدة تخلي شكلها شيك وتليق مع لون بشرتها ووشها.

وانا هحاول علي قد مقدر اجيبلكوا لفات جديدة وحلوة للطرح.

كيف تبرزين جمال عيونك؟؟؟؟؟؟؟

بصراحة انا انهاردة مفييش دماغ اكتب والك كتيير عشان كده جبتلكوا صور لرسومات عيون مش عايزة كلام.

(ومعلش نشيل بعض يعني شوية مفيهاش حاجة)

فساتين جامدة موووووووووووووووووت

اختيارك لهدومك والوانها عليها عامل كبير اوي في اظهار انوثتك حتي لو هدوم كاجوال ما بالك بقي بفساتين السوارية اكيد لازم تختاريها كويس اوي من كل حاجة من الوانها وشكلها وطريقة التطريز.
علي العموم الفساتين دي مش محتاجة كلام شوفوا اد ايه فيها انوثة.

بتحبي الاكل الشامي؟

معلش انا عارفة اتاخرت عليكوا اوي بس ظروف بقي هنعمل ايه.

المهم ندخل في الموضوع لو بتحبي الاكل الشامي ومبتعرفيش تعمليه ازاي خليكي معايا واتعلمي اكلة اكلة هحاول اجبلكوا اشهر الاكلات الشامية واللي بيعتمد انه ياكل الاكل الشامي برة انسي مش هو ده الاكل الشامي الحلو اللي بيتعمل في البيت حاجة تانية خالص.

انهاردة جبتلكوا حاجة بسيطة كده في الاول طريقة عمل التبولة ومتفتكريش عشان هي سلطة تبقي سهلة ركزي في الخطوات اللي جاية عشان تطلع منك حلوة.

اولا:هاتي برغل من اي سوبر ماركت وانقعي شوية منه في مياه مش كل الكيس طبعا حاولي تظبطي علي قد كمية الخضرا اللي هتعمليها.

ثانيا:تكوني محضرة بقدونس ونعناع وخس كتيييييييييييييييييييييييير عشان التبولة اصلا بتعتمد علي الخضرا اللي فيها.

ثالثا:قطعي الخضرا دي صغير علي قد متقدري .

رابعا:قطعي عليها طماطم برده مش كتير انتي قرري الكمية علي قد اللي هتعمليه,وبرده قطعيها صغير.

خامسا:اعصري لمون في فنجان وخليكي مجهزاه علي جنب.بس برده شوية لمون حلوين(متبخليش).

سادسا:صفي البرغل من المياه واشطفيه واحطيه في حاجة غويطة وقطعي عليه بصلة ،وابداي ادعكيه باديكي جامد لحد متحسي انه بقي ناعم فايدك.

سابعا:حطي الخضرا علي الطماطم و حطي عليهم البرغل وقطعي بصل اخضر (بس ده بقي ابخلي فيه)متكتريش يعني وحطي اللمون اللي انتي مجهزاة بس شوية بشوية ودوقيها عشان متبقاش حادقة وتترمي وحطي ملح وكمون و قلبهيا كويس لحد متحسي انها بقت مكعبلة وفي الاخر خالص لما تدوقيها وتحسي انها خلاص متظبطة حطي عليها شوية زيت زيتون بس شوية حلوين.

ثامنا:اوعي تحطي خيار انا مش نسياه متخافيش بس التبولة مبيتحطلهاش خيار خالص.

تاسعا:عوافي وصحتين علي قلبكن

لي ريحة هدومك رائعة بطريقة بسيطة

معلهش اليومين عندي نزلة برد " بجد بجد شايفة الكي بورد طشاش " بس مش ممكن اغيب كل ده من غير حتي نصيحة " صغننة " عشان ريحة الهدوم تبقي جميلة " و "يا بختكم يا اللي بتشموا " عشان انا نسيت اصلا ريحة الروايح و البخور من 3 ايام عموما خلينا في الموضوع اول حاجة أفتحي خزانة ملابسك وامسحيها بفوطة مبللة بالماء مع قليل من عطرك المفضل وضعي العود في المبخرة وضعيه اسفل الملابس وكوني حذرة من أن يلامس أطراف الملابس " مش ناقصة حرائق " و ضعي الزيت العطري المفضل لديك بالفواحة وضعيه داخل الخزانة لمدة نصف ساعة واذا كنت ممن لا يفضلن رائحة دهن العود بأمكانك استبداله بعطرك المركز المفضل لديك بعد هذه الخطوات ستجدين رائحة ملابسك في منتهى الروعة حتى بعد غسيلها.

عبايات لصيف 2008

اكيد بيجيلك وقت بتبقي محتاجة انك تنزلي بسرعة وبتبقي عايزة تلبسي اي حاجة بس في نفس الوقت ساعات مينفعش لانك بتخافي انك تقابلي حد تعرفيه ويكون شكلك مش كويس او في ضيوف جينلك البيت وانتي مش عايزة تتايدي بلبس معين في الظروف دي كلها ممكن عباية شيك تحل الموضوع عشان تكوني علي طول شيك ومهتمة بنفسك حتي لو انتي رايحة مشوار بسرعة ورجعة وساعتها مش هتخافي انك تقابلي اي حد لانك هتكوني برده شيك.

علي العموم دي شوية موديلات لعبايات صيفية اختاري اللي يناسبك وكوني متالقة في كل وقت حتي لو انتي مستعجلة.

يوم اليتيم

بكرة في اول جمعة من ابريل هيكون يوم اليتيم ،ياريت كل اللي يقدر يعمل حاجة يعملها ونحاول في اليوم ده نسعدهم علي قد منقدر ومش شرط يكون في اليوم ده بس ممكن نعمل كده علي طول او كل فترة بس احنا كده لازم يكون في يوم محدد عشان نعمل حاجة كويسة.

نحاول نحس بيهم ونشوف كده لو كنا مكانهم كنا هنعمل ايه ونحمد ربنا الف مرة علي اللي احنا فيه.

لو بهدية بسيطة لو بكلمة حلوة لو بخروجة لو تعد معاهم يوم هتسعدهم و هتحس معاهم بسعادة.

قاعة ليلة العمر

كل بنت بتحلم بليلة العمر شكلها هيكون ازاي، وفستانها،والميكب بتاعها،وفرحها هيطلع شكله ايه،وممكن تعمل ايه عشان شكل قاعة فرحها تكون حلوة اوي؟

دي اسئلة كتير مفيش بنت مبتجيش في بالها الاسئلة دي.

وعشان شكل قاعتك يكون زي مانتي عايزة وتطلع شكل القاعة تهبل جبتلكوا شوية صور لديكورات قاعات افرح افكارها جديدة وغريبة.مش شرط تعملي زيها بالظبط بس خدي منها كام فكرة كده واعمليها.

وعلي العموم متقلقيش الناس كده كده هتطلع تتكلم عليكي وعلي فرحك سواء كان حلو او وحش،بس انتي بقي كبري دماغك علي قد متقدري اعملي اللي يرضيكي ويرضي خطيبك وملكيش دعوة باي حد تاني وخصوصا الحماوات.