موضوع شاركونا الراي هيكون موضوع اسبوعي هعرض عليكوا مشكلة عاطفية ,عائلية عموما اي نوع من انواع المشاكل والادوار هتتبدل عايزة اكون انا القارئ وانتوا اللي تدوني النصيحة او المعلومة منها مشاركة بينا ومنهااستفادة وحل للمشكلة.
كنت قاعدة مع واحدة صاحبتي امبارح وبصراحة هي اللي ليها الفضل اني افكر في موضوع زي ده وبدل ميكون راي واحد وحل واحد وممكن يكون الحل ده ميناسبش المشكلة انا هعرض عليكوا الموضوع وانتوا هتكونوا اصحاب الحلول ونحاول نوصل لاحسن الحل فيها.
انا هحكيلكوا مشكلة صاحبتي وياريت تفكروا معايا عشان نحللها المشكلة دي.
كانوا الاتنين زمايل في نفس الكليه بدات هي تحس انها بتحبه قبل ميتخرجوا بسنتين وكانت بتغير عليه من الهوا الطاير وهو بدا يلاحظ حبها بس معترفتلوش بحاجة عشان كانت خايفة تخسروا حتي كاعز صاحب ليها ومرت الايام وبعد التخرج رحلها واعترفلها بحبه هو مقلهاش بطريقة مباشرة انه بيحبها بس وضحلها انو مرتاح ليها ونفسوا يفضل معاها وقالها انه كان عارف انها بتحبه من سنتين بس مكنش عايز يبين.
طبعا هي بقت طايرة في السما ومتمنتش اكتر من كده انه يكون معاها وبعد شوية ايام طلبت منه انها نفسها تسمع منه كلمة بحبك وهو موفقش قالها انا عندي الحب افعال مش كلام وقالها انه مش عايز حد يعرف بارتباطهم غير اقرب اصحاب ليهم وهي احترمت رغبته وكانت اسعد انسانه في الدنيا واتغيرت خالص لما بقوا مع بعض اللي يرضيه تعمله واللي تفكر لحظة انه ممكن يضايقة مش بتعملة ومكنتش تخرج من البيت الا باذنه وفضلته علي كل الناس حتي اهلها بقي هو كل حياتها.
وبعد معدت سنه بدا التعامل يتغير هو يحاول يعمل اي حاجة تستفذها وميخفش علي ذعلها وشايف ان كل الحاجات اللي هي بتذعل منها حاجات تافهة وهي بدات تتعب من التعامل ده وهي كمان بدات تعند معاه وفهمته اكتر من مرة ان كل اللي هي بتطلبه انه ميزعلهاش وهي هتبقي خاتم فصباعه وبرده لقت مفيش فايدة يكلم بنات كانوا زمايلهم من الكليه او يوصل حد معاه ويجي يحكيلها قالتله اكتر من مرة ان ده بيضايقها وهو شايف انها حاجات تافهة انها تزعل منها لو واثقة فيه وهي بتفكر انها بتغير عليه من اي حاجة في الدنيا ومبتستحملش حد يجي جنبه.
رغم انه في صفات حلوة كتير يعني طيب صريح بس هو متغيرش لما عرفها وعيبه انه مبيخفش علي ذعلها وهي اكتر من مرة تقولوا ان ممكن بكلمة يكسبها يعني هما بقالهم سنتين مع بعض لحد انهاردة مسمعتش كلمة بحبك منه دي حتي كلمة وحشتيني سمعتها اول ماتكلموا مرتين ولا حاجة كده وبعدين خلاص تسمعه وهو بيقولها لكل الناس الا هي.وهي الكلام اللي نفسها تسمعه ممكن تسمعه من كل الناس الا هو ولو حد عكسها وهو مش معاها بتحس انها عملت حاجة غلط.
دلوئتي الموضوع بدا يفشل وهي عايزة تحافظ عليه انه يكون معاها علي طول ونفسها تحس بحبه ليها وتتمني تسمع منه كلمة حلوة زي اي بنت في الدنيا بتحتاج انها تسمع من اللي بتحبه اي كلمة حلوة هي بالنسبة ليها ده كل اللي بتتمناه هي بس كل اللي محتجاله تعرف هل هو فعلا بيحبها وباقي عليها ولا هي مجرد واحدة زي كل البنات اللي عرفهم قبلها.
عايزين نحاول نلاقيلها حل ازاي تعرف انه بيحبها ولا لا؟ وازاي ممكن تحافظ عليه وعلي علاقتهم انها متفشلش؟ عشان بالنسبة لها هو كل حاجة فحياتها.
وياريت اللي هيقرا الموضوع يحكيه لناس تانية وياريت لو لشباب عشان هما فاهمين دماغ بعض كويس وممكن يكونوا عارفين صاحب الموضوع ده بيفكر ازاي او بيحبها بجد ولا لا وتبعتولي رايكوا في المشكلة دي عشان نوصل لحل كويس انهم يكملوا مع بعض من غير مشاكل ده لو لسه هيكملوا مع بعض عشان هو لسه قايلها من يومين انه زهق ونفسه يغير وانه عايز يكلم واحدة تانيه عليها وهي قالتله انه لو عايز حد تاني هي متكنش موجودة فحياته وهو عايزها موجودة بس في نفس الوقت يكلم واحدة تانية وقالها ان الموضوع ده بجد وانه مش بيهزر.
انا هستني ردكوا عشان هي استنجدت بيه وانا بصراحة مش قادرة اديلها حل كويس لمشكلتها"فشاركوني الراي"
يد عارفينه محمود
العسيلي بتاع اغنية تبات ونبات كنت في فرحه وانهاردة انا هحكيلكوا عن الفرح و شوية الصوراللي عرفت اجيبها 
وعموما الموضوع هتعرفوه من حته تانية عشان هو منزلش غير هنا ( يعني احنا اول ناس ننزله ).
واما ومراته وطبعا دول شاركوه في فيلم (خليج نعمة) و المطرب محمد نور ورامي صبري و شوية من المذيعين والمذيعات من مختلف القنوات الفضائية وطبعا اهل العروسة والعريس.
للاستمتاع دائماً برموش صحية وكثيفة، اتبعي الخطوات التالية التي يوصي بها الخبراء دائماً للحصول على طلات لأجمل العيون وأكثرها جاذبية وسحراً..
طريقة عمل الكانيلوني.
