لكن ممكن اعلان هادي اوي زي اللي هنشوفوا مع بعض يوصل للناس احسن واسرع من الاعلان التاني ويفضل ثابت في دماغهم لمدة اطول كمان.
علي العموم شوفوا واحكموا معايا كلامي صح ولا لا.
الجمعة، 26 سبتمبر 2008
احلي اعلان
ده احلي اعلان شوفتو لحد دلوئتي مش لازم يعني الاعلان يكون مكعبل وفي كلام وحركة كتيرعشان الناس تحبه ده بالعكس الاعلان اللي بيتعرض علي التلفزيون اللي كلنا طبعا بنتفرج عليه وانا اولكوا ممكن نحبه لفترة معينه يعني نحب موسيقته نحب الاغنية بتاعتوا كده يعني بس مجرد مالاعلان ميتعرضش لفترة كلنا بننساه وبنركز في غيره وغيره.
لكن ممكن اعلان هادي اوي زي اللي هنشوفوا مع بعض يوصل للناس احسن واسرع من الاعلان التاني ويفضل ثابت في دماغهم لمدة اطول كمان.
علي العموم شوفوا واحكموا معايا كلامي صح ولا لا.
لكن ممكن اعلان هادي اوي زي اللي هنشوفوا مع بعض يوصل للناس احسن واسرع من الاعلان التاني ويفضل ثابت في دماغهم لمدة اطول كمان.
علي العموم شوفوا واحكموا معايا كلامي صح ولا لا.
السبت، 6 سبتمبر 2008
انا جيبالكوا انهاردة طرق لعمل القطايف طبعا كلكوا ممكن تقولوا ايه طرق القطايف دي حاجة كلنا نعرفها.
بس الطرق اللي انا جيباها ممكن تكون غريبة لشوية منكم لانها بالنسبة لي كانت غريبة لما عرفتها بس عجبتني اوي لما دوقتها عشان كده انا جبتلكوا الطريقة بتاعتها.
انا جايبة 4 طرق 2منهم حوادق تنفع علي الفطار واتنين منهم في الحلو بعد الفطار.
نشوف مع بعض الطريقة متقلقوش سهلة جدا.
القطايف الحادقة:ممكن تتعمل بالجبنة الرومي والزيتون.تقطعي جبنه رومي لحتت صغيرة وتقطعي فوقيها زيتون اسود وممكن تحطي شوية شطة لو عايزة.
وبعديت تحشي القطايف وتقليها في الزيت وتاكليها بالهنا والشفا.
والطريقة التانية بالجبنة البيضا.
تحطي جبنة بيضا في طبق وتقطعي عليها زيتون وتحطي عليها شويه زعتر بتاع التوابل وتهرسيهم بمعلقة مع بعض وتحشي القطايف وتقليها.
ودول بيبقوا علي الفطار زي مقبلات او مشهيات يعني.
اما القطايف الحلوة فبرضوا ليها طريقتين:ممكن تكون بالجبنه الروكيته ودي بتبقي جبهة زي القشطة مخصوص للحلويات وبتتباع في اي حته.
تحطيها في طبق وتحطي عليها شوية سكر وتهرسيهم مع بعض وتحشيها وبعد متقليها حطيها في العسل شوية لحد متتشرب.
او ممكن تكون محشية بالمكسرات:يعني تحمري اللوز والبندق وعين الجمل وتحطي عليهم سكر وجوز الهند وافرميهم في الخلاط و حطيهم في كيس ورجيهم عشان يتخلطوا كلهم علي بعض وبعدين احشي القطايف واقليها وحطيها في العسل لحد متتشرب.
وبالهنا والشفا.
الخميس، 4 سبتمبر 2008
رمضان مبارك
كل سنه وانتوا طيبين طبعا انا عارفة انتوا اكيد نستوني عشان بقالي فترة مش بنزلكوا حاجه بس معلش رجعنا تاني وكل يوم هنكون مع بعض انشاءالله في رمضان وحتي بعد رمضان.
وطبعا عشان احنا في الشهر المبارك هنحاول مع بعض ان تكون مواضيعنا اكترها عن الشهر الكريم يعني شوية نصايح علي اكلات وحلويات لشهر رمضان.
تابعوني ونشوف مع بعض المواضيع هتكون ايه في رمضان؟
كل سنه وانتوا طيبين واسيبكوا مع موضوع انهارده
الاشتراك في:
الرسائل (Atom)
