فرح محمود العسيلي ونرمين

معلش انا اتاخرت عليكوا اني اجيبلكوا اي معلومة او نصيحة عشان كنت معزومة في فرح محمود العسيلي و نرمين فؤاد .

متستغربوش اوي كده اكيد عارفينه محمود العسيلي بتاع اغنية تبات ونبات كنت في فرحه وانهاردة انا هحكيلكوا عن الفرح و شوية الصوراللي عرفت اجيبها وعموما الموضوع هتعرفوه من حته تانية عشان هو منزلش غير هنا ( يعني احنا اول ناس ننزله ).

بصراحة الفرح كان تحفة كان معمول في فندق انتركونتنينتال رمسيس بالقاهرة كانت القاعة تحفة وديكورات القاعة حاجة ولا في الخيال.

غني العسيلي في اول الفرح اغنية الفستان الابيض لعروسته وعمله كليب رائع هما الاتنين وبعد كده تامر حسني ومعاه طبعا العسيلي ومراته وبعدين هشام عباس.

وحضر الفرح من الفنانين غادة عادل وزوجها مجدي الهواري والمطرب احمد فهمي من فرقة واما ومراته وطبعا دول شاركوه في فيلم (خليج نعمة) و المطرب محمد نور ورامي صبري و شوية من المذيعين والمذيعات من مختلف القنوات الفضائية وطبعا اهل العروسة والعريس.

الفرح بدا 11 خلص تقريبا 4:30 ده كل اللي انا فكراه بصراحة عشان طبعا انا كنت مركزة في الفرح مكنتش عملة حسابي اني هحكيلكوا عنه انهاردة بس قولت لازم تكونوا اول ناس تعرف عن فرح العسيلي.

.